每次黎澳門都想正正經經吃一頓葡國餐，但每次不是吃到次貨，就是就不到時間。

這一次做了點功課，在去水舞間之前的晚餐，選了這一間最近的阿曼諾，和另一間比較遠的船屋，就看看時間許可，再看能去那一間。當然最後時間不足，就到了阿曼諾。

阿曼諾地點在喜蓮旁邊，經官也街步行過去不用很久。店裡位子不多，我地六點過ｄ去到，已經坐左不少人，侍應問我地有無訂位，我答無，可能因為早，所以仲俾到張近門口既檯我地，但閒日都full，看來食物味道不錯。店裡還有葡萄牙國家隊海報，但還是費高年代，哈哈。

店裡唔俾影menu，所以個別價錢我都忘記了。點菜後有一籃子麵包和一碟檻欖，我對檻欖真係唔識欣賞，而麵包微暖硬身，只是一般。

見到隔離檯枝葡萄牙汽水幾特別，我地又叫左枝店員推介的熱情果味，熱情果味濃得黎唔過火，真係幾好飲。

先來一碟檸檬炒蜆，差不多每檯總有一碟炒蜆，侍應亦不違言是其招牌，尤其推介檸檬炒蜆。個檸檬汁真係好好味，檸檬味中帶點點辣香，真的是只有辣香，個人覺得是不辣的，中國人就是這樣，這個情況總想起一碗飯，但今次無飯，我地用左麵包試，依舊好味。

葡式煮法不同港式，蜆肉質感未夠爽口, 始終香港人食慣高溫炒既豉椒炒蜆，但總括都係值得推介。

主菜阿曼諾牛扒有點失望，原以為叫得呢個名應為招牌，但感覺似香港食到的公司什扒。碟上有薯片、沙律、煎蛋、一塊厚牛扒。

牛扒配汁似蒜蓉汁，薯片有點過硬，當然咁會做到沾濕左汁都仲脆，但我有點吃不慣；煎蛋原以為是全熟蛋，但原來是半熟蛋，而且蛋黃夠香，很驚喜；沙律則是正常，主要是沙律汁好味而搭夠。

牛扒要左七成熟，還能看到血紅色，牛扒唔韌，但牛味不重，無甚特別，如果用店名命名，就有點失望了。

店員另推介燒排骨，但一份嫌太多，店員話可以order半份，真是求之不得。初頭以為係好似ribs咁係醬燒，但原來係鹽燒，排骨好有肉味，醃又到位，加少少鹽燒，估唔到幾惹味，怕熱氣加點檸檬汁也很不錯，個人覺得比牛扒好多了。

此時鄰檯剛坐了兩位香港人，其叫了一杯很有特色的酒類飲品，膽粗粗問下可唔可以借黎影相，誰知二人熱情地叫我地試下，我地就卻之不恭了。二人order時偷聽到為半榨提子溝酒，後來食友們提點這應為SANGRIA，我對酒類認識不多，又學多左樣野，哈哈。感覺似fruit punch，但偏重提子味，同埋當然比起fruit punch，酒味相對重好多。

最後甜品雞蛋布甸，是拎到埋檯面再即場從碗裡挑出來，看到內裡的焦糖汁流出來，特別興奮。初吃外層蛋味不重，但幸好焦糖味也不過火，有時很怕焦糖太過火而吃不到蛋味。之後吃到裡面原來很重蛋味，點著焦糖汁吃，著實不錯。

作為在澳門正正式式的第一餐葡國餐，這一餐我是滿意的。吃完之後，動身去水舞間，第一天的澳門遊，就完結了。

味道 

服務 

環境 

價錢