呢晚適逢預祝我同Suki生日，又凍凍地，係唔知食乜好之下，最好都係打邊邊架啦，本來想去尖咀譚魚頭架，點知原來已經執笠好耐喎，咁咪去返上次果間加拿芬廣場稻香囉。

本來我地Book咗２２點嘅，但臨時得知好友收早，咁我地咪９點入去囉，一出Lift，嘩...使唔使多人到咁呀？爆到不得了，係門口都企唔到人咁滯，好彩我地預先Book咗位，雖然係早咗去，但都只要等約５分鐘就有位喇。
只是佢地比咗張４人卡座我地，但我地有６個人喎，剩係坐咗落去，叫咗個豬骨湯底同＜海皇盛盤($198)＞都已經冇位放其他野啦，所以好友咪問可唔可以換張大枱比我地囉，１５分鐘後終於都可以轉去張大圓枱，真係好好多啦，之後我地都叫到成枱野，如果唔係都唔知點食，其實如果連坐都唔舒服，都幾難叫我地一次再幫襯囉。

我地５個食住等埋另外一個壽星來，佢都要２２１０先來到食，咁我地都唔係食咗好耐啫，佢來到都仲有好多野食，豬骨湯底裡面已經有２大舊豬骨已經大推頭喇，仲有黑木耳、粟米、腐皮添。
第一輪來的海鮮盤都好豐富，有５隻大蝦，一條不知名魚、一大堆蜆肉、珊瑚肨數片、帶子數片、秀珍菇數片和青口５隻，只係略縑蜆肉細咗Ｄ，不過都好多，最後食唔哂都用咗蜆肉同魚骨餚湯，GOOD!!!
呢晚我地只叫咗兩碟牛肉，其餘都係菜、丸、海鮮，已經好夠食喇。

係咁食到23:10，個個都飽哂，但都要叫多兩款甜品＜芒果布丁＞＜桂花糕＞喎，不過呢兩款野都係麻麻，布丁少甜冇乜芒果，而桂花糕就好甜冇桂花味喎。
最後係23:30埋單，我地６個人，共＄882，以食材新鮮度同個＜海皇盛盤＞咁豐富來講，６人呢個價絕對抵食！