是晚食咗上年１０月２０日開始供應嘅「天婦羅蝦Shabu Shabu」，係下午6 :00起就開始供應架喇，都幾早喎。
Shabu Shabu可配白飯($48.9)、讚岐烏冬($51.9)或配日式粉絲($51.9)，另有三款湯底：昆布味噌湯、日式濃湯及野菜清湯！

日式天婦羅蝦火鍋配清湯底 ( 配日式粉絲 ) $51.9
配料有１２款：天婦羅蝦１隻、枝豆魚蛋１粒、蟹柳１條、燻製生煙肉１碟配芝麻醬、日式魚旦１片、滑豆腐２件、栗米２件、冬菇２隻、金菇１束、油揚１件、南瓜３片、娃娃菜數棵。飲品可選擇汽水、日本茶或面豉湯。
另加配料：$7香辣泡菜(2小盒)、關東煮。

今次我就試吓清湯底，第一次試，味道都夠清，不過都覺偏咸咗少少，但都接受到嘅。
其實我本身唔鍾意食天婦羅，只係見到吉吉家新Shabu Shabu所以先去食，可惜天婦羅蝦早就放係湯上，已經唔好食喇，好在蝦都夠新鮮。
好喜歡有花花圖案嘅日式魚蛋、記得多年前會係日資超市買一大條返歸切片食添，正！
其餘配菜都同早幾次食的一樣，總之味道與質素冇下降就夠了！只覺南瓜細咗，但仍清甜；枝豆魚蛋同樣彈牙；栗米好飽滿又甜喎。可惜關東煮Ｄ湯過咸了.....。
呢晚慢慢Shabu Shabu都玩咗差唔多１個鐘，睇落好似唔係好多野食咁，但原來都能食飽飽，再一次係吉吉家離開。