 |
|
位置唔好囉
05/12/2008
又係一間比較舊式既茶餐廳,位置唔太方便附近又少人行,唔去搵都幾難經過.
入面唔係好大,坐落去舒服度一般.試過佢既招牌菜式椒鹽豬扒,夠熱,食落都幾夠味,不過味精好似重左少少, 可能就係因為咁先夠味掛,不過食完怕會口渴...配料都炒得幾好,尤其d紅椒,聞落都幾香,連埋d豬扒食落去 辣辣地,味覺口感都唔錯.
|
|
飲得既咖哩, 你試過未?
30/11/2008
講真.. 住左十幾年上水都唔知有呢間野
佢個位真係好隔涉 同埋望落去都係茶餐廳一間, 好普通 不過原來禾稈冚珍珠 老闆都幾innovative, 創作咖哩湯米線  如果你第一次去, 一定要試呢個 呢個堅係正 咖哩真係飲得架, 一定要試!  同埋都幾多餸, 有豬頸肉, 豬軟骨, 蕃茄, 菜, 豆卜, 魚蛋 敗筆係魚蛋好難食(仲有4粒咁多!!!)  如果可以, 唔要魚蛋, 叫佢加其他餸 另外, 都叫左星洲米 正正常常啦, 我欣賞佢唔辣, 有咖哩既香 唔食得辣既朋友都可以試下呢個
|
|
最認真的星洲炒米
13/06/2008
在上水的杜記茶餐廳，我吃到最認真的星洲炒米。
星洲炒米（$26，午市連飲品及例湯），自家熬煮的南洋咖喱膽，色澤金黃，均勻地沾於每條米粉上，辛辣得來帶香料香，卻又不會辣得嗆喉；而米粉彈牙卻不過硬，再配上切得幼細的叉燒、辣椒及洋葱等，最重要是不油不膩，吃完不會一口油，堪稱是一碟完美的星洲炒米。
|
唔會再黎
放大假就最好一個人四周圍行下街,食下野,今次唔係大埔行,大清早遠少少去上水,早餐找來一間看似有幾十年歷史的餐廳.
早餐亦是大路野,就來一碗鮮牛肉麵配火腿蛋及凍檸檬茶少甜.
牛肉麵竟然附有幾條菜心,其實算認真,但食第一啖已經知唔對路,麵條竟然有異味,即時同老板講,老板都順手聞一下,已亦即刻話換其他野,一於改為通粉好了,今次牛肉份量少左,而且菜都消失,唔駛咁呀?係你D野出事喎,咁都得?實在有少少失望,是旦食完就算,相信無乜機會再黎.