  快船四人行
20/05/2012
|
|
頂級酒店的頂級味道與頂級服務!!!
13/03/2012
早前9月之星曾經發起去文華東方酒店「快船廊」嘆Afternoon Tea Buffet, 不過因為朋友們嘅小朋友好多星期六都要上Playgroup或者興趣班, 所以就唔到時間而泡空... 今日難得Honey肯陪我去食甜品Buffet, 幾大都唔放過大好機會!!! 聽聞文華東方酒店嘅朱古力Buffet好正, 不過已經Promote完... 我地今次去食嘅主題係--Winter Wonderland Sweet Afternoon Tea Buffet!!! 臨近聖誕, 餐廳內都增添咗富節日氣氛嘅裝飾品... 居然有窗邊位比我地坐, 正呀!!! Baked Clafoutis with Berries, Assortment Christmas Logs--一開波就拎咗個聖誕樹頭蛋糕食, 個餅底好鬆軟, 朱古力Cream唔太甜, 還可以... 第一次食法式莓果布丁, 絕對唔係我杯茶, 感覺有D似麵包布丁... Linzer Tart, American Chocolate Cake--Honey拎呢個源自奧地利蓮茲嘅Linzer Tart都幾好味, 餡係覆盆子果醬, 少少甜少少酸, 口感有D似蘋果批, 餅底好鬆化, 絕對值得一試!!! 白朱古力Cake上面果幾滴水滴令到件Cake好迷人, 點都要拎番o黎欣賞吓... (中間果件已經唔記得咗係咩) Bacon Quiche, Sausage Roll, Smoked Salmon Sandwich, York Ham Sandwich--呢碟係跟下午茶自助餐奉上嘅... 個蛋批都幾好味, 腸仔卷好好味, 三文治好快比Honey KO晒... Taste of the Legend 文華東方茶--久聞文華東方酒店壺茶好好飲... 之但係我覺得冇咩茶味, 會唔會係我唔識Order呢... 不過值得一讚係佢依然有個茶隔, 唔似上次半島酒店High Tea咁, 連茶隔都冇... Yoghurt Panna Cotta with Blueberries, Pumpkin Creme Brulee--意大利奶凍我一向麻麻地, 佢都整得幾滑兼幾重奶味... 法式焦糖燉蛋都幾好味, 不過又話有南瓜嘅, 點解一D南瓜味都冇嘅... Home-made scones with Rose Petal Jam & Clotted Cream--放耐咗先記得食, 已經濕濕地同涼涼地, 搽咗Clotted Cream味道都唔錯, 遲咗食真係浪費晒... Square Dark Chocolate Truffles--呢位方型朱古力好好食呀!!! 香濃嘅朱古力味, 幼滑嘅軟心, 而且唔太甜, 真係好想Encore再Encore!!! 不過我都未試得晒所有Buffet Items就已經飽到唔郁得... Chocolate Spoon--初時見到堆木匙羹亂咁放, 覺得好奇怪... 睇真D... 原來係朱古力o黎o架!!! 好"咔哇依"呀!!! 睇吓, 放落杯熱朱古力度, 真係會溶o架!!! 可惜實在太膩, 飲唔晒... Chocolate Trifle, Baked Chocolate Mud Pie, Chocolate Truffle Cake--後面杯Trifle係傳統英式聖誕甜品, Creamy又香滑, 有D似朱古力Mousse... 左邊件美式Chocolate Mud Pie我已經放到最後先食, 食完真係食唔落其他o野, 壓到實一實嘅朱古力泥團, 如果有4份1 Portion就Perfect啦!!! 隔離件合桃拖肥蛋糕出奇地好食, D拖肥果陣焦香味真係令人一試傾心, 我最憎食拖肥都覺得佢好食果下勁呀嘛!!! 跟手中間件軟心朱古力蛋糕又係膩到爆, 雖然D朱古力味香到爆燈, 但係我呢個朱古力痴都甘拜下風, Sorry, 我太飽啦, 哽唔落啦,要食剩你啦... Fresh Fruit, Chocolate Broken Blocks with Maxed Nuts--最後食番D生果消吓膩, D菠蘿應該改名做"超甜菠蘿", 好似"超甜粟米咁"... 左邊果2粒冇名堂嘅朱古力Ball先係全餐最好食, 連Honey食完都要叫我即刻試吓... 又香又濃又滑嘅朱古力, 包住大大粒夏威夷果仁, D朱古力嘅香味係個腦度打咗幾個圈先吞落喉嚨, 最最最可惜嘅係, 我地真係飽到想食多1粒都食唔落啦, 太遲發現啦!!! 好似仲有食其他o野, 不過唔記得影相... 張梳化雖然勁大, 可惜枱與枱之間嘅距離實在太近, 唔闊得過大X樂好多, 隔離講咩都聽到晒... 服務員好好人, 我雙手拎住部相機, 想搵人幫我地影張合照, 見到D人好忙咁藤o黎藤去, 我都未開聲, 佢就已經問我係咪想影相, 仲影咗3張先滿意... 係佢唔滿意頭2張, 唔係我地唔滿意... 老牌5星級酒店嘅High Tea+下午茶自助餐, 呢個價錢絕對係值得!!! 只係我同Honey自己唔掙氣, 唔記得帶齊4個胃去食多D多D再多D...
|
|
Chocolate Buffet (part 2)
03/02/2011
Chocolate Buffet (part 2)
食完chocolate cake之後，再食其甜品喇!!! 有成十幾款甜品，真係花多眼亂 Desserts有Berry Soup Champagne Jelly，champagne泡很綿 我不太好champagne味，所以只試了一點，但男朋友就十分愛吃 Passion Fruit Chocolate Creme Brulee，外表似普通的creme brulee 但是十分驚喜，酸酸甜甜濃郁的熱情果味，好好味! Sea Salt Chocolate Tart，是用72%的Valrhona加上法國海鹽造成 咸味不太重，不過夠smooth，好味道! 這個係我都好鐘意食 Vanilla Chocolate Custard，這個似奶凍，質感比較實 Cherry Chocolate Truffle，cherry帶有酒味，幾好味 American Cheese Cake coated with Chocolate Ganache 文華cheese cake一向出名，有金箔點綴，Texture 比較軟 裡面的芝士非常香，吃起來 朱古力味不會蓋過芝士味，甜度適中，自己一個人都吃了兩件 Mini Doughnut Filled with Chocolate Custard，這款比較普通 doughnut比較稔身，所以一般 Earl Grey Tea Chocolate Cream，用支棍桔黎食，幾特別 想不到又幾好味，earl grey tea同朱古力味都幾夾 Sesame Chocolate Ganache Sliced Cake， 朱古力加上芝麻的甜品真的很少 這是四層朱古力慕絲與蛋糕相間，由於朱古力味比較濃， 芝麻味不太出，表面有些芝麻碎，很香，都好味 Sacher Sliced Cake，另一款濃郁朱古力味的蛋糕，Yummy! Orange Compote with Bitter Chocolate Mousse 這個一般，不太喜歡這苦味 Chocolate Macaroon Filled with Praline Cream，甜度適中 質感都不錯，而且不會黏牙 Baked Chocolate Mud Pie，裡內有些朱古力，這個甜點都好味 Crumble Praline Chocolate Mousse都幾好食 Chocolate Profiterole，似朱古力puff Bread and Butter Pudding with Chocolate Sauce，很香牛油味 反而覺得太濕了，不過味精幾好!
|
|
Chocolate Buffet (part 3)
03/02/2011
chocolate buffet再績...
Baking items有 Chocolate Cookie on Stick及Chocolate Brownies Chocolate cookie 好睇唔好食，但是browines又幾好食 Assortment of Mixes Nuts Chocolate Ring 好靚，不過味道卻一般 Chocolate Fondue with melon，其實已經好滯了 所以只吃生果，沒有再加朱古力醬了 還有兩款熱飲，Hot Spicy Chocolate Drink 和Hot White Spicy Coffee Chocolate Drink 最大特色是有chocolate spoon，還可隨意加朱古力粒，朱古力碎及忌廉 Chocolate spoon慢慢溶入熱朱古力內，令朱古力味更濃郁 吃完一轉，又一轉的朱古力甜品 真的要拎杯Hot Spicy Chocolate Drink ，當然加上Chocolate spoon chocolate spoon慢慢溶入朱古力內，不過偏甜了一點 食到好飽呀，好滿足呀 :) 最後埋單兩位 $388 + 10% service charge 更多相可見:http://hk.myblog.yahoo.com/ling-enjoyfood/article?mid=712
|
|
Chocolate Buffet (part 1)
03/02/2011
一向都好鐘意食朱古力，特別心情不好的時候，食完真的心情好好多
相信這些就叫chocolate therapy，哈哈 當我知Clipper Lounge在上年11月再出名Chocolate Enchantment 的 buffet 朱古力迷的我就一定要去試試 早了點到，在文華大堂坐了一會，一走進Clipper Lounge 已經聞到陣陣朱古力香，看見不同種類朱古力甜品 視覺上十分吸引，真的不知道從哪裡入手才好，哈哈 大概兩點半多就已經到了，可以先入去坐並享用茶先 點了citrus ginger fusion，這是待應推介的，帶有酸酸的及薑的味道 當吃完咁甜的朱古力飲杯酸酸的茶，中和番，幾清新 三點鐘buffet正式開始了 Chocolate Texture Cake，由5種不同質感的朱古力造成，朱古力味濃郁 上面還有一粒用白朱古力造的裝飾，這個cake最好食 Chocolate Chestnut Cake，帶有少少栗子味，不太出 Raspberry Yogurt Chocolate Cake，酸酸的raspberry yogurt 好fresh!! 中和番朱古力的甜膩 Dark Chocolate Ganache Cake，賣相的確很靚，上面有一層糖霜造的字牌 但是味道真的一般，蛋糕質感太散了 White Chocolate and Caramel Mousse Cake，已經太飽了，這款cake沒有吃 吃了很多甜品，正的要食些鹹點中和下 Chocolate buffet會跟上鹹點三文治及scone Plain & raisin scone 配玫瑰果醬是文華出名甜點之一， scone都充滿牛油香味，非常鬆脆卻又不易散，果醬真的很香玫瑰味 比Le Salon De The de Joel Robuchon 及 crabtree更加好食 Smoked salmon 及York Ham 三文治，煙肉蛋酥餅及Sausage roll 三文治一般，但酥餅及Sausage roll都幾好食，酥皮好鬆化 更多相片: http://hk.myblog.yahoo.com/ling-enjoyfood/article?mid=712
|
|
Mandarin Oriental Hong Kong
03/08/2010
星期4同同事去食buffet, 一行4人決定試下文華酒店既自助晚餐。
食物種類唔多, 係貴精不貴多o個隻。 我食左唔係好多野…如下︰ 冷盤 魚生一般, 無咩特別 有長腳蟹、螺、青口、小龍蝦o個d, 整體上都還可以, 算係鮮甜, 但係好似唔係好夠大隻 熟食 咕嚕肉~!水準之作!正!!真係估唔到佢咁好食…(可能係因為我比較偏好咕嚕肉都唔定^^) pan fried potato、deep fried seafood、大大粒既蝦碌、都係有水準, 但唔係水準以上啦^^ 主打甜品 ( 我既正餐 ) 呢到既甜品件件都係3cm既立方體咁上下大….好的色, 可以食多幾款唔怕太多會滯。 我地4個食左白白古力黑森林、好濃既古古力拖肥蛋糕, 好fresh既黑芝麻mousse、仲有好熱情如火既熱情果白古古力摩屎蛋糕、藍莓芝士蛋糕、好似提拉米蘇咁既野莓芝士蛋糕、rum酒味超勁的不知名東東, 紅豆糕、同埋我最欣賞既...古古力mousse。 一人share 一d 食, 平時食buffet 唔可能食到咁多甜品…但今次食左好多款~真係好叻啦^^ 當日人數唔算多, 都幾吉下, 可能係平日掛。服務相當唔錯, 我地4個女仔, 坐到11點幾都無比人趕我地走, 仲不停幫你refill d水, 5星級果然係唔同d..
|
 有點失望
29/04/2010
本宮o既生日週正式開始，打頭陣o既係由christy, agnes 同hannah 為本宮安排o既文華食buffet，雖然文華個名好似好勁，個buffet原來唔係話好貴... 300幾蚊一個人~
點解本宮會揀e間? 係因為有生蠔食，可惜生蠔就好一般，有d仲苦苦o地tim~ 而大頭蝦d肉好散~ d螺就ok，不過我唔太食螺，所以只係食o左2粒~ 是次探訪全為生蠔，所以食多一次，可惜情況一樣，而長腳蟹好咸，又唔係雪場蟹o既~ 最好味係d凍蝦碌，其他都好一般~ 牛肉好好味，係 prime beef，而小二亦切得好好~ haha~ 今次係雪場蟹，所以即刻拎o黎食~ 好味好多ar! 甜品好好食~ blueberry cheesecake好好味~ 有白古古力同黑古古力波板糖，黑古古力波板糖冇咁甜，好食d~ 不過甜品太少~ 整體o黎講，只可以叫ok... http://hk.myblog.yahoo.com/ultrabearhk/article?mid=438
|
|
朱古力狂迷必食
06/01/2010
訂坐訂了近三星期，期待已久的文華朱古力Tea Buffet，剛步入Clipper Lounge已嗅到陣陣濃郁的朱古力香味，Buffet的桌子比想像中小了一點，但買相相當吸引，未開始品嚐已為嗅覺和視覺帶來刺激。
 想不到朱古力甜品款式味道可以如此多變，2種自助形式的朱古力熱飲，更帶來不同層次的味覺享受，而限量供應的玫瑰果醬鬆餅果然名不虛傳。  朱古力狂迷的我，一定會再去的。
|
|
食好出名既scones
25/11/2009
第一次去5星既酒店high tea, 去之前心情好興奮呢hehe!
3點去到, 叫左2人set, $378 +10%, 侍應哥哥話要等20mins 先得, 冇問題啦當然! 等緊時影下相, 發現原來都幾嘈下, 唔係好grand呢~ 約20mins high tea就黎嘞, 共有3層: 底層係唔同既甜點, cheese cake (右2) 最好味呢 中層係咸點, just ok la, d酥餅有少少油… 上層係4種唔同既三文治 – 三文魚, 蛋沙律, 芝士青瓜同火腿, 最好味係蛋沙律呀! 然後係另有一碟scones, 好出名既scones同rose jam真係好好好好味呢~ 一人2個食到好飽呀!  再有一杯咖啡作結, 我要左mocha, 有少少latte art, 都幾香呢~  不過waiter 服務就一般, 要水都要叫, 同埋d態度好似唔係好友善囉! 下次會去four seasons 比較下先得~
|
|
03/11/2009
考完了試，之後西打還安排了多一天休假，本來打算好好休息。承著路人甲剛好又休假(是我迫她！)，便定意要找些特別節目。有想過要到郊區玩，也有想過要做其他事，但最後還是敵不過睡魔，睡醒已經一點多！想著想著，就不如享受個悠閒的下午茶吧。
打沒有在文華東方吃過飯，還轉了好一陣子才找到clipper lounge。原來單點的就在餅房那邊，要吃英式下午茶就在clipper lounge這邊。 整個就是tea set for 2的餐牌 不錯喝的紅茶，跟茶點非常搭。 第一層三文治層 第二層是烤焗餡餅層 最底層的甜點 芥末蕃茄火腿三文治。風乾火腿香氣很香，中間的醬會讓人有一點點刺鼻，西打都沒有留意名字，有一點點意外呀 黑菌蛋蓉沙律醬三文治。薄薄的一層蛋包著三文治，中間有一種特別的香氣，算好吃啦！ 煙三文魚辣根三文治 說實話，不是西打吃不慣，但三文魚真的沒有甚麼煙過的味道。西打不愛。 日式芝士青瓜三文治。入口時先是很清新的口感，青瓜爽脆。慢慢竟變成濃濃的芝士，好好吃！ 木薰煙肉撻 雖然不是熱呼呼的，但真的好香。煙肉味很濃，中間的餡料也很好吃，有一點點膩啦！不過喝一口紅茶就剛剛好！ 香草雞批 中間是忌廉類的餡料，味道滿清淡的，口感也很滑，不錯吃！ 香草芝士泡芙 好像不是很滿的餡料，但是超超好吃。芝士很香很香 葡萄scone 上面是clotted cream，下面就是文華東很有名的玫瑰花果醬。 scone本身已經好好吃，軟硬都剛剛好！最好吃當然是文華東方的果醬，好香好香。跟一般的果醬很有差別，有濃濃的花香，香到有一點點像荔枝那麼濃烈。甜度也剛剛好，是不會讓人覺得膩。難怪好吃到可以單獨售賣。 文華芝士餅。這個真的大名鼎鼎的耶。芝士很香，不會太濃，又不會膩，好好吃。難怪是名物。 怎麼好像有些還沒有介紹呢？因為西打和路人甲實在太飽了。剩下的都帶走，路人甲回家又可以看著電視，享受文華東方的點心。 總計：HK$378 加一成 第一次去酒店喝英式下午茶，說實在，西打真的有一點點緊張啦。這次經驗非常好，環境舒服，食物也很不錯！坐著坐著，不知不覺就過了兩個多小時。西打暗嘆了一句，原來闊太的時間就是這麼消磨掉。哈哈哈！ 延伸閱讀： http://blog.yam.com/ywjoseph928/article/21501887
|
悠閒下午茶：文華東方酒店
對我這位70後來說，對文華的印象，必定離不開哥哥。當年哥哥的離去，令文華酒店長居港聞／娛樂頭版，也令我這個初出茅廬的小子，對文華這個名字，留下深刻印象。
這一年，和自助餐很有緣，先是贏了柏景餐廳的自助餐券，之後是Harbour Grand Café，和一開業即訂位困難的The Market，再加上其他大大小小的日式放題，今年享用自助餐的次數，可能已經是我之前幾年的總和。
對於有選擇障礙的我，自助餐就有如雙面刃，一來可以不用顧慮，全部食物都可以試，二來卻恨胃納太小，眼闊肚窄最後只會害苦了自己。今次有幸收到文華公關C小姐的邀請，來到我一直心儀的快船廊，和三位食友一起品嚐，又是另一樂事。
這裡有很多餐廳都在我的waiting list，最近好運地贏了文華餅店現金券，繼快船廊之後，下一間應該是文華餅店了吧？
冷盤款式眾多，最吸引的可能是煙三文魚，但我最喜歡的，卻是通粉／螺絲粉，之後再自家配幾片煙三文魚和蟹子沙律，美味也。
沙律吧也陣容鼎盛，看到這裡，忽然很懷念以Pizza Hut的堆沙律日子，看君可有興趣來挑戰一下自己的技術？
刺身壽司也十分吸引，很多時自助餐都有一個通病，就是有一位壽司師傅在即場配給，切給你的又只會是薄薄的一片。這裡的就沒有這個問題，三文、吞拿、甜蝦、墨魚、北寄貝，refill快，厚切，新鮮，當真吃個痛快。壽司也很不錯，醋飯也不會死實，灸燒三文魚、腐皮壽司都是我最喜歡的。喜歡刺身壽司的朋友，必定不會失望。
海鮮是最精彩的部份，蟹腳、熟蝦、青口、螺，連比較少在自助餐見到的瀨尿蝦、蟶子都有，蟹腳鮮味無比，少有在自助餐吃到的好質素；第二最愛必是瀨尿蝦，肉質彈牙，味道鮮味，平常很少在自助餐吃到，今天可以吃個痛快了。
不得不提的，是這裡的生蠔。是日有美國和紐西蘭兩款生蠔供應，大量生蠔新鮮列陣，口感creamy，不過因為不是即開，少了點海水的天然鮮味，但以$400多的價錢，能在五星級酒店任吃生蠔海鮮，夫復何求了？
麵包櫃位是禾桿蓋珍珠，款式多，鬆軟的麵包，令人差點不想吃正餐。不過最令我驚喜的，是那些芝士，當中Taleggio和Brie De Meaux有芝士味濃，口感滑溜，絕對會令芝士迷吃不停口！
雄糾糾的燒牛肉即叫即切，外熟內嫩，令男女都著迷，醬汁？都不用了，因為肉本身已經夠好味了！
熱食分中式西式，西式的鴨胸、魚、雞、焗薯等，賣相不錯，但我最喜歡那濃濃的忌廉湯；中式的可能更合大眾口味，小籠包、豬頸肉、松子咕嚕魚等，可惜胃納太小，雖然賣相吸引但也實在吃不下了！
除此之外，還有擔擔麵可吃。通常自助餐的，都是叻沙，擔擔麵著實少見。在快船廊，師傅的工作，其實只是幫忙把麵滾好，香蔥、豆瓣醬、花生、麻醬等都是閣下自理，喜歡放多少就多少。麵條吸水能力強，吸味和掛麵條全無難度，但換句話說，慢一點吃已經發脹，所以還是趁熱吃吧。
秋季是大閘蟹的季節，快船廊為了「服侍」老饕，也特別在這個季節為食客準備了每人一只大閘蟹。九雌十雄，在這天，店方為我們提供的，是公蟹。
蟹身紅光鮮艷，白色蟹羔多，但黃色蟹羔卻未至「爆羔」境界，可能還未到公蟹最佳季節吧。快船廊體貼之處，在於那一杯薑茶，薑味不重，老少咸宜！
以蟹論蟹，當然不能和食友之前在文華廳吃過的相提並論，最可惜是時間不許可，真有點後悔沒法抽空去文華廳品嚐蟹宴呢！
甜品是這一晚快船廊最強一環，琳瑯滿目的甜品，未吃已先興奮。除了蛋糕類，大部份都是小巧精緻，用獨立器皿的甜品，正好滿足喜歡吃甜品的人，多試一點也完全沒問題！creme brulee、焦糖布甸、Tiramisu、桂花糕、藍莓芝士餅、紅豆糕等，中西甜品都有，總有一款合你心意吧？
不過最搶鏡的始終是蛋糕，檸檬蛋糕、朱古力批、黑森林、西米布甸等，怎能不預留胃納來迎接甜品的來臨呢？
精彩好戲在後頭，原來是日還有雪糕！自家製雪糕，聽到已經雙眼發光，味道分別有雲尼拿、朱古力、士多啤梨可供選擇，當中以雲尼拿味道最好，大量的雲尼拿籽，足證真材實料，香滑的雲糕，為這一餐劃上完美的句號！
快船廊是出名的款式多、新鮮、甜品出色，果真不假。這一餐自助餐，可能是我今年吃過最出色的一餐自助餐，在加上文華的環境，怪不得要數自助餐，身邊很多朋友都會推介快船廊了。