 |
 是一個不錯選擇啊!
03/02/2010
話說同兩個外國回港渡假的朋友食晚飯
朋友喜歡粵菜,女友極力推介依間酒家,講OK,咁幫襯呢間 7時左右來到,入到去人客都不多 坐在大廳的一角,裝修算企理坐位舒適 青瓜海蜇青瓜脆口加上麻油，好香都算唔錯既小食 乳豬,份量不多,外皮薄薄烘製得酥化,肉質一點也不肥,燒得委實不錯 紅燒蟹肉生翅,新鮮蟹肉,入面d翅都幾多,杰杰的湯底,味道鮮甜 北茹扒時蔬,好多茹厚度十足,蠔油份量不多 d菜都幾清甜味道清清地簡單之中也見工夫 瑤柱蛋白炒飯,炒得好乾身,瑤柱粒唔算多,味道不錯,賣相也漂亮 總括環境不錯,地方闊落,不擠迫.閑談方便 儘管菜式千篇一律,然而食物帶出色香味 服務都唔錯,呢度是一個不錯選擇啊!
|
|
皮蛋酸薑做得出色
16/04/2009
皮蛋酸薑最重要的是靚皮蛋，以溏心皮蛋為好吃。除鏞記外，逸東軒也做得好，採用湖北荊門供應商的溏心靚皮蛋，外層晶瑩剔透，有咬勁且彈牙，而溏心入口溶化。大件又爽脆的酸薑，以紫薑用白醋、冰糖醃 2、3 天，甜酸味醒胃。酸薑酸性中和皮蛋的鹼性，令胃部的酸鹼度平衡，加上皮蛋多吃略嫌膩，與酸薑同吃，酸味正好起中和作用。
皮蛋酸薑 $55
|
|
份量少仰或被克扣?
05/02/2009
到逸東軒喝喜酒，雖然有人迷信說地點在地庫，與「地俯」偕音而覺不吉利，但如果是十多廿圍的酒席，這裡可以包起整個場，而且新裝修看上去很堂皇，氣派絶不遜五星大酒店。
環境好但始終食品亦要出眾才能留住人心，是夜喜宴的佳肴都很美味，可以推介的有： ～脆皮燒雞：可能近日雞的供應少，有機會吃雞總覺特別嫩滑，但這一隻真的弄得皮脆肉滑。 ～清蒸石斑：蒸得恰到好處，熱騰騰的沒半點魚腥味。 ～菜膽翅：用料很足，是要用筷子吃的翅 唯一美中不足的是份量很少，一圍本應12人，但這一席只坐了11人，當中還有一名10歲小孩而且女多男少，但所有人都吃到伊麵炒飯才感滿足。大家都懷疑食品被克扣，因為是分好才上桌的，根本沒有知道到底份量有多少。
|
|
蘿蔔糕
03/02/2009
新年食左佢個蘿蔔糕,真係好大個,好多料。
我用煎的方式去整,所以上面d料會跌落黎,所以我覺得如果中間都放多d料會好d。整體都好好食。夠香口,又有蘿蔔味。上面d瑤柱絲都幾香。 唔知蒸會唔會原汁原味d呢~@@~
|
|
免費食靚蘿蔔糕
25/01/2009
參加ufood比賽,羸左一底蘿蔔糕,好開心,一來我鍾意食蘿蔔糕,二來底蘿蔔糕好靚,由個包裝,到用料,再到味道都好好,仲要非常體貼同環保,一定要讚下,仲要多謝晒ufood.
個蘿蔔糕用左好多料,例如臘腸,臘肉,冬菇,蝦米,瑤柱等,樣樣都唔少得,成個糕面都鋪滿晒,真係啖啖都有,而個蘿蔔味亦都好甜,好香,食到少少蘿蔔絲,幾好質感,加上鹹味適中,唔點任何醬料食都已經好好. 另外最抵讚係個盒,因為用左一個可循環再用既微波爐膠盒裝,食完個糕,留番個膠盒又可以用,加上個膠盒設計好正,有埋排氣孔,放嘢入微波爐叮都好放心,加上質料夠厚夠實淨,非常耐用.
|
|
率先食蘿蔔糕
23/01/2009
雖然未踏入大年初一, 我們已急不及待率先的吃了賀年的蘿蔔糕.
因參加ufood遊戲而獲得這個蘿蔔糕, 「底」糕好大「底」, 材料亦好豐富, 有瑤柱﹑臘味等, 入口亦好有蘿蔔的質地, 食到蘿蔔, 而不是食粉. 分量與味道同樣令人驚喜. 最值得一提, 那個盛載蘿蔔糕的膠盒, 日後再當食物盒之用, 好實用. 再次多謝ufood.
|
|
估唔到o既爽爽地
06/01/2009
見網上有好多朋友仔讚，上個周末專誠約埋朋友仔一齊去試。
4點收茶市，諗住3點去實無衰，點知……都座無虛席！嘩，真係咁受歡迎呀！！ 一入座，二話不說點嘢食！點心紙上選擇唔算多，約20款，除咗大路o既蝦餃、燒賣、牛肉球等，仲有啲創新點心好似脆皮流沙包、腐竹鮮蝦腸等。 當日食咗： 蝦餃—細細粒，澄麵皮薄而滑，入口有蝦味，ok！ 牛肉球—我無食，但朋友仔話好彈呀噃！好少有喎！牛肉球彈牙！ 滷水豬仔腳—一個字——  ，滷得入味，腍得嚟仲有啲爽爽地口感！So Good！竹笙牛肉腸—呢樣好有驚喜，腸粉幾滑之外，係意料之外，爽爽地o既，原來碎牛中包層薄薄竹笙，好特別！ 脆皮流沙包—炸咗o既包，入面有鮮黃流沙，難得又甜又炸，竟然不膩，食完仲想食多個添！ 總括來說，今次期望……終於無失望……仲好滿意而回添！
|
對這裡其實印象不太佳，總是覺得只是擺酒的地方。是日是Yan及龍的大囍日子，在附近的教堂行禮，之前想找個地方飲茶，在沒有什麼選擇之下，來了這裡。
這裡是地下一層，坐電梯下來，地方原來很不錯。地方大，檯擺得不算密，座落其中，也頗舒適的。
好了，拿個南北美點的點心紙來剔一剔。酥皮叉燒焗餐包已是各中上級數酒樓的必備項目，吃得過；豬肉火燒餅名字幾特別，略為油膩了一點，淺嚐也不錯；腸粉做得厚厚的，也不爽滑；芋乃金彈珠名字特別，原本不錯。吃到中間的芒果，有點畫蛇添足之作。
侍應企埋一邊談波盤，似乎留意一點更好，始終也是企理地方嘛。
埋單每人百二，可以一試，好歹也是米芝蓮推介。
想看足本食評及所有點心的相片，請來這裡：
http://gourmetkc.blogspot.com/2009/09/blog-post_26.html