 |
 Yamm buffet
23/01/2011
今日去左Yamm食lunch buffet
刺生三文魚新鮮，肥美 炸天婦羅有炸蝦，南瓜，茄子，蕃薯 海鮮有凍蝦，肉質結實，新鮮鮮甜，翡翠螺都好味 巴拿馬火腿肉質嫩滑，配鮮甜的蜜瓜，好好味 Benedict ，蛋黃是流心的，都好好味 酥皮牛角包，非常鬆化，值得一試 還有多款芝士，愛吃芝士的人別錯過呀 很快便開始食甜品了!!! 甜品種類很多，芒果蛋糕，芝士餅，朱古力蛋糕，法國杏仁餅 同埋Haagen Dazs 雪糕，可惜味道不多，吃了士多啤梨同咖啡味
|
|
lunch 自助餐
17/11/2010
呢一日, 我地一行九人去左The Mira酒店既Yamm 到食lunch 自助餐!!
一個一個慢慢到, 由11點開始, 到1點都有人哩~~~哈哈~ 有d咩食呢…有呢d︰ 有一個放麵包同芝士既位置, 芝士lover一定喜歡~ 有好多款沙律, 有成六七款比你簡~ 三文魚刺身, 同埋其他刺身常客啦~~ 壽司唔算好食, 可能係d飯唔夠醋味, 所以比較唔ok… 天婦羅, 你要咩佢夾比你~~ 串燒有雞肉、豬肉同埋牛肉~~唔知係咪太耐無食過~~覺得好好食!! 甜品款唔算多, 叫做有d選擇囉, 不過都叫ok既!仲有勁多生果比你簡呀! 最重要係…有haagen dazs 既杯裝雪糕!!我地九個人, 食左十五杯…都咪話唔勁!!
|
|
買三送一 lunch buffet 真抵食 !
13/09/2010
因為佢做緊 lunch buffet 買三送一, 一直都好想試呢間, 所以就約埋同事食, D o野食真係唔錯, 又抵食, 所以今次再同屋企人去食囉 !
lunch buffet 由11:30am 食到 2:30pm , 足足三個鐘. 最令我驚喜就係佢今次D款同上次個D有D唔同囉 ! 佢D款都 refill 得幾快, 甜品都有好多款架, 最好味就係最普通的忌廉蛋糕, 真係好鬼鬆軟呀 ! 仲有haggen daz's 雪糕食, 四種口味, 任君選擇呢 ! 不過熱盤菜式就冇乜特別 !
|
|
Yamm
03/09/2010
"今日幫個friend慶祝生日佢亦成日講好想黎呢度食野，
所以早幾日就訂左位先，所以都唔駛等。" 我個朋友最鍾意食甜蝦刺生、吞拿魚剌生、蟹子剌生、帶子剌生、全都都非常新鮮又好有鮮味、 又唔會淋 pat pat好有口感、肉質好弹牙最正係啖啖肉！值得一讚！ 我自己最鍾意食生豪、非常新鮮唔在講、好鮮味又爽口、肉質好肥美 size 適中！一句講哂好好味呀！
|
|
good-quality food
28/07/2010
 I went there with several friends to celebrate a friend's birthday. The food was great. The most impressive was tempura. I like the prawn tempura the best for its freshness and nice presentation. The sushi they served were also a lot better than most sushi-train resturants in HK, in terms of quality of rice, ingredients and presentation. Salads and desserts are good too, but the mini-cream cones at the dessert table are not crispy.  Choices rather limited but considering the quality of food, this buffet lunch is reasonably priced. Price should be about $210 plus 10%. Special promotion: buy 3 get 1 free.
|
|
回本酒店自助餐
19/07/2010
男友鐘意食Spanish Tapas, 所以訂位慶祝。
發現有很多特別的西班牙菜，我最喜愛的是Parma ham with Figs 同個 Tomato cold soup!仲有西班牙蛋同當然吾少得西班牙炒飯Paella。 另外仲有好多新鮮海鮮，值回票價！最愛Alaska Crab leg, 生蠔, 海膽, 牡丹蝦同scallop. 熱野foie gras 同咖哩超好食！
|
|
水準之作
19/03/2010
這間buffet有d食物都可以坐係度order就得,一坐底個服務員就俾左個menu話可以order仲主動叫我試左個刺身拚盤先...等左一陣就來真係估佢唔到d刺身真係好正,特別係d海膽呀好鮮又唔會腥,仲有帶子同蝦都好好味(可惜仲有好多野食所以都無再re-order)
生蠔就係自己出去取有3款選擇,仲有龍蝦仔同埋長腳蟹都好正十分有水準呀. 另外每枱都會有特製既茄子容來配麵包,不過我覺得味道麻麻反而d包真係唔錯最特別係個墨魚汁包微暖入面有餡料(不過我食唔出咩來)...熱食方面order左d天婦羅同埋原隻燒帶子都係值得一試.至於parma ham我簡食唔知食左佢幾多片真係好香配埋蜜瓜咸甜配埋簡直一流. 最後食埋甜品就飽到頂上心口啦...不過此店d甜品都唔錯都有好多蛋糕選擇又會做好多水果口味既jelly,特別一提係佢地有2款雪糕(朱古力/士多啤梨)都應該係homemade,d朱古力味仲有加上好多朱古力片真係甜上加甜,反而士多啤梨好似酸左少少. 不過此店真係值得一去架,d食物真係好有水準.
|
|
舒適的環境, 高質素的食物
09/02/2010
在網上看見YAMM 的buffet 一直受高度評價, 趁友人生日, 去YAMM食lunch buffet 慶祝, 看看是否真的那麼好.
一坐下, waiter 便奉上麵包和醬. 其中的香草醬味道頗清新及特別. 他亦介紹了壽司魚生、天婦羅、拉麵、爐端燒和鐵板燒可order, 數量不限. 不用好像輪米般排隊取壽司, 真好! 去自助bar 檯走一轉, 一看見macaroon 便想取. 此時我並未失控, 還打算先食冷盤. 取了多款新鮮火腿, 看見只剩下的兩三隻生蠔, 我又失控了! 我沒expect lunch buffet 都有生蠔的! 我第二次去取冷盤剛碰上fill 長腳蟹和生蠔, 這次可食到新鮮生蠔和鮮甜長腳蟹, 開心之餘亦覺得好抵! 而且餐廳好細心. 所有長腳蟹都是中間破開的, 不用剝殼, 食蟹肉無難度! 我還食了大大隻、有膏的蝦和新鮮製成的魚生壽司. 真的只食冷盤都飽. 但我當然不會浪費熱葷. 去到熱葷區, 色澤亮澤的叉燒仿佛叫我去食它. 將所有熱葷食一篇, 所有都具有水準. 特別是燒牛肉, “林”, 有點生, 但沒腥味! 連汁都比其他店舖好味! 可惜肚的容量有限, 珠玉在前, 都無法全部消受. 我可還要食天婦羅爐、端燒和鐵板燒啦! 天婦羅、爐端燒和鐵板燒都有一定水準. 不過若怕食脆漿的人, 就不用試天婦羅了. 因粉比在日本食的厚. 爐端燒比鐵板燒能保留食物水份, 因此個人較喜愛爐端燒. 三心兩意食得亂晒大籠! 番轉頭試中湯、西湯. 西湯是濃足料的蘑菇湯. 味道適中, 不會過鹹. 而中湯是菜湯. 沒有什麼名貴的材料, 但湯令人好驚喜, 簡直可以用清甜形容! 喝的時候都有點保留, 因怕是落了味精才有此效果. 不過大家可放心, 我食完全餐, 之後都沒有口乾的感覺. 跳去食甜品, 食我最喜歡的macaroon. 不過這餐甜品令我印象深的不是macaroon, 而是忌廉甜筒. 甜筒脆, 包著裡面又甜又滑又香濃的朱古力忌廉, 真是飽飽都要食多個. 友人說士多啤梨太酸,所以建議食朱古力味. 食完甜品, 再以一杯低因咖啡作完美的總結. 用揸打卡還要有九折! 今天只食了一餐, 一餐好滿意, 好值得的一餐.
|
|
09/10/2009
在網上已見很多的讚賞，Dinner Buffet 始終唔捨得食，雖然好想任食海膽，但今次試下lunch buffet 先啦。刺身、日式燒物、天富羅是order的，刺身新鮮，但每次份量太少，每款每次每人只有一件，想暢快連食幾件都唔得；天富羅的蝦、南瓜、蕃薯均有水準，唔油膩，正
 ！雖然整體擺放的食物種類不夠豐富，但勝在整潔、感覺好好。其他食物質素唔算好突出，長蟹腳、凍蝦都OK，生果雖然種類唔多，但都幾甜，PAMA HAM 配的蜜瓜好甜，以致夾得好啱味。而環境方面就好OK，舒適的卡位，樓底又高，設計亦新穎，服務亦週到。 今次因有DBS 咭的優惠 (訂位時話係$208 有9折，去到就只是減10元，每位$198，亦要我堅稱訂位時該位女同事講得好清楚，他才道歉話同事講錯，這點服務就要扣分了)，但就有一杯餐前飲品，話就係fruit juice，但都只係盒裝果汁  ，如果唔係送的話，餐牌價竟然是50大元喎！但整體係OK！值得一試！
|
一般...
先試LUNCH BUFFET
因為有朋友有coupon~叫埋我,,
所以先有機會嚟依度試試:)
book左7點鐘~個環境暗暗地~i like it..
之後出去拎野食...發覺都唔算好多野食咁..
係度行嚟行去..都未諗到食咩=.=
突然見到有鵝肝..我隻眼發左光xd
因為我都幾中意食ge~~
之後又有燒牛肉~生生地..好正!!!
三文魚每次拎只得3片..真係好少..所以拎左好多次!!
另外個龍蝦..望落去都好多肉下..不過唔係好鮮甜..
佢有個送ge牛肋粒..好冧..好好食
可惜每人只有一份=3=
食左好少就好飽..所以就轉食甜品..
見到都好多種類~我每樣都拎左一件返去..
點知...無一樣好食omg..我仲要成碟都係..
真係好無奈..我心諗..依度d甜品應該唔會差得去邊掛..
唉..失望..反而我欣賞個朱古力噴泉同埋雪糕..
朱古力竟然唔苦..岩哂我..
個雲尼娜雪糕又好好食~~gd