 11/04/2012
|
 Tea Buffet Before Big Man Concert
15/03/2012
今晚因為要看演唱會，但係又唔知食什麼好，最後就揀咗Promenade 西餐廳。 這裡係我喜愛的自助餐地點之一，因為出名款式多，同埋有我至愛的哈記雪糕，嘻嘻！ 今次食下午茶自助餐，其實之前我也食過三次，食物種類和質素也差不多，不過今次卻發現最不同的竟然是雪糕~ 1. 熱葷 2. 壽司/前菜 螺肉：搶手的前菜，味道不錯 3. 甜品/生果 芒果布甸：可能不是季節，芒果好酸呀！ 4. 雪糕 這個下午茶自助餐與午餐的價錢相差好近，下次我會考慮食自助午餐呢~
|
|
好吁的甜品呀
02/11/2011
又係聚餐既時候,揀左係喱到食tea buffet,3:30-5:30,以甜品為主既,今次係士多啤梨甜品,,環境幾舒服,食物都唔錯,甜品比較ok,果然係主力~!
|
|
甜品好正, 有外表有內涵!!!
29/05/2011
八九月之星敍餐日終於來臨!!!
餐廳外面嘅花園有Wedding Lunch, 係D白色帳篷入面舉行, 好浪漫呀!!! 頭盤嘅青口好大隻呀, 八爪魚都好大隻呀~ 熱葷嘅焗青口同焗蠔都唔錯, 田雞腿好正呀, 龍脷柳都好正呀, 燒羊扒仲正呀~ 冷盤就麻麻... 三文魚好新鮮, Sushi都不錯... 甜品好正呀~ 有外表有內涵~ 好得~ Pancake賣相好吸引, 豆腐花滑到呢~ 南爪湯好得~ 梳乎厘都唔錯~ 仲有自助飲品區, Good~ 唔記得食雪糕呀~ 8款Haagen Dazs呀~ Oh No~ 實在有太多食物供應啦, 每樣食一啖都食唔得晒, 其他食家推介嘅粥、雪糕、豬頸肉、朱古力噴泉、士多啤梨噴泉... 全部都未食已經飽到嘔... 我地果枱直情個個"小林尊"上身, 嚇到隔離枱外籍人士O晒嘴, 哈哈~ 仲有新一代"食力"接班人, 幼稚園都未入, 已經食力驚人, 技驚四座... 最後要多謝各位好姊妹做東!!! 萬二分感激!!!
|
|
Christmas buffet at Promenade
23/01/2011
今日去左hung hom hyatt 食lunch buffet
一開始就主攻海鮮，因為真係好吸引 有生蠔，長腳蟹，凍蝦，螺，青口，龍蝦 長腳蟹非常多肉又大隻，生蠔及螺好清甜，凍蝦肉質爽口 食左好多轉海鮮呀!!!! 刺身食了三文魚，吞拿魚，兩者都很新鮮肥美，還有甜蝦 熱食都有好多款，但我吃得不多，因為好快就攻甜品了，哈哈 甜品水準也很好 試了芒果拿破侖，非常有水準，酥皮很脆口，custard很滑 tiramisu，藍梅芝士餅，芒果布甸，果撻，法式咖啡焦糖，還有Haagen Dazs雪糕
|
|
afternoon tea - great choices of food of reasonable quality
03/08/2010
Went there because of the 20% off coupon from Ufood.
 Choices are unexpectedly wide. Iam sure not many people starts their afternoon tea with salads, but their lettuces are very fresh and many varieties are provided. Salmon rolls are a bit strange - I'd rather have sandwiches with some cream cheese. The best of all food they provide should be desserts - I love the glutinous rice with mango sauce and the Häagen-Dazs ice-cream. What should be improved should be the Mango Napoleon coz the puff is not crispy enough. Actually, there are so many kinds of food that I wasnt able to try them all! With the 20% off coupon, I only paid $143 per person!
|
|
朋友婚後聚一聚
07/03/2010
因為朋友之前結婚未有機會出席,所以今次大家見下面,補祝一番,朋友對食有股熱,情所以今次見面的地方都是由朋友所挑,果然無介紹錯.
由於本人主打甜品,所以先講甜品,甜品中有一個芒果糯米茲,真係超讚,遠勝好多間出名的甜品屋,芒果拿破倫都唔錯不過我覺得今次個底做得唔夠鬆,有點硬,另外有一佪叫紅梅朱古力的甜品,其實係一粒朱古力,因為本人都唔算朱古力狂熱份子,不過哩粒應該係佢地自家制,甜中帶酸,正.! 甜品完全合格,但係壽司就真係把鬼,.可以唔食費時徙quota 楊支甘露的汁唔係全部都係鮮打芒果汁,所以有d扣數 椰汁芒果糯米飯,以前出街食都係芒果少,糯米多,但今次d芒果肉係自己萿,所以自己要幾多落幾多真係滿足 大家記住去之前先列印優惠券,如果唔記得都可以在大堂print 成為$10
|
|
史上最強
11/09/2009
朋友仔生日，豪一下去食Promenade！
訂了檯，入座已是19:15，個場好大但都接座滿8成。雖然唔係window seat，但個落地玻璃就睇住維港靚景，我地之後仲睇到"幻彩詠香江"添~ 講多無謂，我地即刻行個round，睇吓有咩食先，點知一行，就行咗10分鐘，點解？因為真係超...多野食！ 一入場，就有海鮮，包括生蠔、長腳蟹、翡翠螺、涷蝦...好味呀！ 行入D，就有甜品部，包括：杏汁燉燕窩、焗布甸、朱古力噴泉、青檸白古力噴泉、新鮮生果、即製Crepe、窩夫、Haagen Dazs雪糕...你數得出都有！ 再行入D，就係沙律、cold cut、parma ham、cheese等冷盤。 再行入D，就係即切刺身檔。 又再入D，仲有個師傅即切片皮鴨，包保新鮮熱辣~ 對面，仲有燒烤盤同燒牛肉，宜家做緊維也納食品節，呢度都有3款，包括野菌蛋、牛仔肉~ 之後到熱盤，包括龍蝦粥、燕窩粥、同埋粉麵檔~ 最厲害的，係呢度D中菜同去飲無分別，由乳豬、炸蟹箝、蟹皇翅等，都有~ 你話，行完呢度係咪已經攰哂先？所以今晚的目的，你將全場所有食品試一次，幾好食都好，唔好encore~ 點知，當我試完一件皮脆肉厚的片皮鴨包香蔥卷之後，我將之前的決定收回。因為，隻鴨實在太好味啦！我地忍唔住，問師傅你一晚要片幾多隻鴨，師傅話：10幾隻啦！嘩，咁新鮮熱辣，難怪咁受歡迎啦！ 之後再試埋生蠔同長腳蟹，嘩，超鮮甜，忍唔住食了4條腳，仲記得那蟹肉的清甜，和鹹海水味，正~ 試了個翅，又係好味到encore，鬼叫佢真係熱死辣辣，仲要好多翅喎，Oh，環保團體，原諒我今晚的惡行吧~ 之後再食碗生滾龍蝦粥，內有3粒小蝦肉；一大碗菜+粉，最愛那爆漿海膽丸； 仲有，提提大家要快點到日本檔食海膽，因為供應有限，19:30已經無哂~ 食到反眼，都要留番D位食甜品。由於朋友仔生日，當然精心選了幾件mini cake，為佢唱生日歌同許願啦！果然，無令大家失望，非常好味道~ 終於試到Crepe，我唔太喜歡周街食野，尤其係呢D咁"輪盡"的食物，所以通常留番去酒店食buffet時才會吃。記得Conrad個pancake真係超好味，呢度個crepe就差少少，可能係廚師哥哥比較"孤寒"，所有配料只有少少，no good~ 不過最差的還是青檸白古力噴泉，完全似梘液味，試了一口，即掉~ 仲有，唔知點解好多小蚊子盤旋，試過夾熱盤時有幾隻小蚊飛走，幾恐怖。不過最可怕的，是我們見到有小蚊子在蜜瓜盤內漫步，直至我地指俾個waiter睇，隻小蚊子仍未飛走，我諗，D蜜瓜真係好甜，甜到佢唔捨得走~ 2個人食了接近$1,000，無所謂，最緊要物有所值！
|
|
|
|
好味
10/07/2009
6/7/2009去了紅磡都會海逸酒店食dinner buffet，成人每位HK$438，小童每位HK$268, 幸好用了入會送的一張2人免費coupon。今個buffet的主題是姆明，姆明在7:00pm – 8:00pm時段供食客拍照。自助餐有20款姆明家鄉芬蘭菜，如扒帶子件八爪魚雜菜沙沙，扒鹿柳伴野菌汁，很特別。
自助餐的食物款式多而矜貴，例如，多款魚生及多款魚生做成的壽司，生蠔，大蝦，杏汁燕窩，花旗參雞湯，長腳蟹，凍大蝦，日式天婦羅，燕窩雞粥，乳豬，炒蚌，咖哩，BBQ食物，沙律等等，甜品有印了姆明公仔的蛋糕，楊支甘露，梳乎里，金箔蛋糕，酒釀卑梨，即整薄餅，即整煎生果，8款Haggan-Dazs 雪糕，朱古力噴泉及新鮮水果等等，食物經常加添，食到個個捧腹呢。
|
經常聽朋友說紅磡火車站旁都會海逸酒店Promenade Restaurant的buffet好吃, 今次終於來試一次buffet, 不過初試就lunch buffet 先, 因dinner buffet 較貴 :p
一家三口從屯門出發往紅磡, 其實都很方便, 乘260X到總站下車便可.
甫入餐廳, 發覺其實裡面都頗大, 可容納多人, 樓底高, 旁邊又有落地大玻璃, 環境都幾舒服, 不過當日full house, 所以有些噪雜. 幸好我們被安排坐一處較高, 自成一閣, 又近取食物的位置. ^^
我同老公很愛吃生蠔, 聽聞這裡的都是即開生蠔, 所以我們到埗第一件事就是取生蠔, 可是見有10多人正排隊, 而只見一位廚師開蠔, 一位女的洗蠔, 而且動作稍慢, 只見人龍越來越長, 我們都無心機去排隊了, 之後食完兩round其他食物見只剩約10人才出去排隊, 誰知每人只可取到2隻瘦弱且不鮮味的生蠔, 真教人失望
其實這裡是有很多款式食物的, 我們吃了兩轉生蠔後只好放棄, 嘗試其他食物.
之後來碗芒果西米露, 吃下不似是用現成芒果汁做而用新鮮芒果打汁做成的, 有很香鮮芒果味. 另外取了些小蛋糕如藍苺芝士蛋糕, 芒果拿破倫, Tiramisu等都好正!
終極甜品便是雪糕了, 好開心是哈記雪糕, 而且還有流心系列選擇呢!
我們先取刺身, 鮮甜的, 可惜每款只有配給2片. 之後我們取其他冷盤: 青口, 煙三文魚都美味的, 沙律都有很多款選擇, 這裡還有自製的凍醃肉, 有款忘記叫什麼名字, 是綠色一卷再切件的, 肉質淋滑且味清淡, 好特別. 我們又取了一些芝士, 有3-4款, 當中除了Goat cheese, 其餘我都愛吃 ^o^
之後又試了些燒烤食物, 德國雞肉腸很美味, 不會過咸, 羊架又不羶, 雞中翼, 粟米與燒蝦都不過不失.
隨後吃中式菜, 意想不到的中菜又煮得不錯, 絕對沒有交行貨, 蕃茄焗蠔很美味, 炸蝦丸很彈牙, 炸子雞皮脆肉嫩, 素鵝及煙鴨胸都不錯, 蝦仁炒西芹剛剛出場所以都好夠鑊氣.
最後要吃甜品了, 這裡的甜品真是超多款, 而且絕不欺場, 首先來個疏乎里, 焗得高高的就算返回座位後都沒有下塌, 味道剛好不會過甜, 一讚!
整體來說除了生蠔令人失望, 其餘的都很美味, 尤其是甜品令人有驚喜, 如果喜愛吃甜品的真是值得來.
是次星期日消費每人 $288 + 10% (compass 9折) = $288