  來試２款蛋糕加飲品
20/02/2012
|
|
清清腸胃…食清淡d!
31/08/2010
因為最近日日都大魚大肉, 所以呢日諗住清清腸胃…食清淡d!
所以我呢日既午餐就係食沙律啦!去左樓下星巴克買外賣, 要左個雞肉凱撒沙律, 平時呢個沙律唔多見, 今日又咁好彩比我見到, 所以就買哩食啦, 另外要左一杯中杯既碎朱古力咖啡星冰樂。 哈哈~外賣用紙袋囉走, 可以留返再用呀。碎朱古力咖啡星冰樂今次好叻咁記得叫佢攪多次, 我唔想飲到冰塊呀~ 所以今次真係無冰粒, 不過唔知係咪因為攪多左次, 我覺得好似水左好多咁..(又或者係出面太晒掛…) 而個雞肉凱撒沙律d雞係用雞胸, 正常我係會食既, 但今日要清清腸胃, 所以只係食左d菜, 連醬都無落…因為佢有d芝士碎係d 菜到, 夠晒味啦。
|
|
多饀芝士火腿卷
05/12/2008
香港人特別鍾意食芝腿治,我諗呢個芝士火腿卷都係由芝腿治演變出嚟.
呢個芝士火腿卷麵包部份好少,而且好薄,但係就有好多芝士同火腿喎,同埋佢幫你捲成一條幼幼地咁,所以即使有咁多饀料,食起上嚟都好方便,唔會跌晒出嚟,不過要記住呢個卷係凍食,真係凍嗰種,可能有朋友會因而覺得唔夠軟熟,同埋太多火腿好似鹹左啲,不過我就試過配一個鮮橙汁嚟食,效果幾好,可能酸酸地"戥"番勻啦,大家不妨試下.
|
意式橙香鮮奶咖啡 Honey Orange Macchiato (T $34)
咖啡唔算香濃、鮮奶幼滑哮重，入口後有淡淡的橙味，不過唔覺有Honey味嘅？唔甜算幾好飲。
野莓慕司蛋糕 (Raspberry Mousse Cake) $28
大紅心形嘅野莓慕司蛋糕就算唔好味睇樣已經加分喇，外層其實都唔知係乜呢？甜甜地有Ｄ脆，似係糖粒整碎嘅....
裡面的慕司甜中帶酸有好重野莓味，好味；底層係朱古力海綿蛋糕，不過已被慕司溶化變得有點濕，全冇朱古力味嘅，最中間有少少野莓果醬，酸酸的，如果可以再多Ｄ就更正啦！
本來心形的確好靚仔，可惜職員放上碟時整爛左少少，但即時已經扣哂分囉......。
雲尼拿朱古力絲絨蛋糕 (Red Velvet Cake) $29
呢個係舊嘅出品，上年曾推出過，我也只食過一次，今次再試係想睇吓會唔會有Ｄ乜野唔同啫....
食吓食吓，唔...同上年食的完全一樣，仍然係一個冇味嘅朱古力蛋糕，其實紅絲絨即係加入色素的朱古力蛋糕！！
白色的buttercream先有Ｄ味，不過就好肥咯...，質感依然實實的，但都幾滑。