今日又是午飯七人組開餐時候, 連續幾星期在這裡飲茶, 大家似乎已經食到悶了, 所以只點了一個炒河及數款點心.

干炒肉片河 - 稍油, 味道不過不失
蒸鳳爪 - 算是夠腍夠入味.
沙薑雞腳 - 勉強夠腍, 有微微的沙薑味
潮州粉果 - 一般饀料, 味道不過不失
灼油麥菜 - 份量足, 不油, 以炸過的蒜粒灑在菜上, 唔錯.
點心還包括鮮竹牛肉, 菜苗餃及鹹肉粽, 沒有吃, 不清楚味道如何.

其實附近都有不少食肆, 盼望下次發掘到合適的就腳食飯點吧.

 

一行七人, 午飯時間, 最方便的落腳地莫過於去酒樓了. 大家在點心紙上一口氣剔了15個點心.

荔茸馬拉糕 - 算幾鬆軟, 有蛋味, 在中間隔著芋頭茸, 味道唔錯.
田園叉燒腸 - 腸粉算幾滑, 中間夾著少許生菜, 感覺幾特別, 但叉燒稍少亦稍肥.
韭菜煎魚餅 - 稍油, 味道不過不失.
牛柏葉 - 有點韌, 要多咀嚼.
蘿蔔糕 - 攪唔清楚是蘿蔔太少, 還是水份太多, 麻麻哋.
芋頭糕 - 口感很實在, 很有芋頭味.
生炒糯米飯 - 色水不均勻, 但總算飯粒分明, 亦不油
潮州粉果 - 不過不失
鹹水角 - 一致覺得太硬, 不合格
還有叉燒包, 鹹肉粽, 梘水粽, 炸雲吞, 不過沒有吃, 唔知味道如何.

中午時段, 小點$13.80, 中點$15.80, 大點$17.80, 茗茶每位$6, 對酒樓感覺是良好, 因為價錢合理, 點心亦算大件. 希望這類街坊式酒樓有生存空間, 不會被飲食大集團壟斷晒.