 |
 小鍋米線
26/10/2011
很久沒幫襯了, 今日來到, 店內人不多, 我點了小鍋米線 ($21), 配料有韭菜, 酸菜, 肉碎及芽菜, 不落辣, 加一餸要$5, 揀了雲吞.
|
|
推介：蠔仔泡飯
03/12/2008
老婆好鍾意食小雨天既米線，
幾年前帶我黎試過，都覺得幾好味。 偶然試左呢個既蠔仔泡飯，之後就唔再食米線喇! 蠔仔泡飯有好多蠔仔，雖然都係細細粒， 但係新鮮、無砂、無異味...  泡飯入面有少少菜，仲有肉碎， 清清地好好食!
|
|
抵食
30/11/2008
如果去葵芳新會都廣場行街, 想醫肚的話, 雖然這商場有不少食肆, 但名字來來去去都是見慣見熟的連鎖快餐店或酒樓, 如果想食些風味小店, 不妨行多兩步, 走去旁邊的葵涌廣場吧.
今天都試了一間叫「小雨天」食店, 標榜雲南風味小窩. 我不嗜辣, 叫了個骨湯菜肉餃上海麵$24, 有5粒菜肉餃, 質素一般, 上海線份量都幾多, 骨湯湯底夠清, 我覺得都算抵食. 至於同行的同事則叫了雲南小窩米線, 環顧店內大部分食客都叫這類食物. 問他是否很辣? 他說: 「我叫了中辣, 我本身食得辣, 所以食落不是很辣. 由於不知中辣的程度會是如何, 所以還是叫中辣較有保證.」 不過有件最搞笑的事, 原本同事打算叫碟時令菜一同SHARE, 查問待應阿姐有甚麼選擇時, 她竟今天只得XX(我忘了菜名), 我們再問:「沒有其他?」答案是沒有. 事後我們感到好奇怪, 畢竟一般食店起碼有2款時菜供客人選擇嘛. 此外, 不知是否環境較嘈雜, 待應阿姐幫我們落ORDER時, 聽錯野, 明明叫檸茶, 就變成奶茶; 明明叫冬菇, 她又聽成另一種食物.
|
|
去得葵芳既平價不二之選
28/11/2008
今日再黎呢間度食, 又係"多人+ 熱(出面天氣已涼), 但葵芳感覺平價晚飯之中淨係可以選擇呢度, 所以再黎多一次.....
今次叫左個雞肉+ 腩肉麵, 腩肉真係好一般....叫佢炸醬另上, 不過最尾都係一齊上.... 提提大家, 夜晚1900前入去食是送飲品的, 我今日遲左1分鐘佢都唔比我......... 態度分麻麻的說.....
|
|
小雨天小窩米線
24/11/2008
講到食米線最緊要就係ｄ餸好味，加埋個辣辣地嘅湯底，簡直係正!呢間米線雖然都食過好多次，有成幾十款餸任揀，佢ｄ雞翼就最入味，已經仲鬼咁大碗，如果一個女仔食實食唔晒!除非你係寧捨擦得........
|
|
水準稍降
23/11/2008
早幾年好鍾意食小雨天 D 米線，基本上由佢開張就開始幫襯，當時隔離仲有一間出名 "麻辣雞" 既米線舖，而我都係食開果間既，後來唔知咩事果間 closed，好多客人就轉而試下小雨天。
小雨天最初只係 1 間舖頭仔，好快開到而家成5個舖位，不過發大反而質素下降，請埋好多好似係賓賓既侍應，唔識落單，淨係會傳菜，叫佢佢又叫另一個，所以好慢。  雞翼好入味! 炆到可以一口啜晒d肉 lur 返d 骨出黎! 呢種特色唔係人人鍾意，我就覺得好好味~~ 丸類好可能係烚定，好多時上檯無晒味。排骨以前幾好味，而家唔同左，仲要越來越骨，無肉食既~ 蠔仔泡飯就越來越少蠔仔...大約2年之前17蚊+ 3蚊/款配料 而家加到 20蚊+ 4蚊/款
|
|
大大碗, 有飲品送的米線店舖
21/11/2008
到葵芳行街, 一定要去食呢間米線, 多餸選擇, 4蚊加一個餸, 份量唔細, 7點前仲有飲品送, 抵到睥, 呢到既冬姑雞翼夠入味, 即使叫丸, 都唔係得兩粒, 好抵食, 幾間店, 唔洗等位, 快靚正!
|
|
價錢大眾化水準不俗的米線
14/08/2008
記得以前小雨天只是一個小小鋪位，能擴充到今天連接三、四個鋪位，是葵涌廣場內其一知名食店，它的食物水準還是有一定水平的。
點了個小鍋米線 ($20)，湯底有炸醬、酸菜、芽菜和韭菜，盛得滿滿一鍋的，湯底清甜份量感十足，另自選配菜各$4一款，我的就加進了蟹柳和生菜。又點了六隻韭菜豬肉餃，餃子水準可以但不算特別出色，而且餃子皮也厚了點。 環境來說就不能要求太高了，畢竟葵涌廣場本來就不是什麼高檔商場，只是一般小食店格局。但價錢實惠，水準也不俗，值得試試。
|
這食肆除了米線外, 還有飯及餃子供應, 但我通常只會食小鍋米線, 今日亦不例外. 點了小鍋米線($21), 加了排骨做餸加多$5.
今日食物送來時間算幾快, 小鍋米線除了少量的芽菜, 韭菜, 酸菜, 肉碎亦不少, 所以覺得湯底較濃味, 米線就不過不失.
至於排骨, 都有若干粒, 味道是可以的.
整體而言, 今日食物的味道是滿意的.