 |
 我的正確選擇
29/08/2010
今日四圍都很多人, 想飲茶又要等, 最後轉軚來這食店, 裡面都坐滿人, 不過剛剛有人埋單, 不用等就有位坐了.
午餐只有幾款選擇, 朋友叫了時菜牛肉飯($28 ) 和鴛鴦炒米($32), 我叫了黑椒什扒飯($28). 時菜牛肉飯的賣相真令人失望, 太多汁, 亦太杰, 時菜只是椰菜, 有點求其, 味道亦很一般. 鴛鴦炒米樣子還可以, 不過份量就偏少. 黑椒什扒飯反而幾好, 黑椒汁夠味, 什扒有豬扒, 雞扒及腸仔, 份量夠, 亦幾惹味. 餐飲我叫了熱檸茶, 都幾大杯, 有幾片檸檬, 不苦不澀, 十分好飲. 朋友額外叫了一客脆皮豬手配南乳汁. 朋友好似食得幾滋味, 不過我就覺得味道沒有甚麼特別, 大大的骨, 亦沒太多皮肉可吃. 我一直唔明為何這食店咁好生意, 我不喜歡這裡的環境, 而水準又飄忽. 只能解釋人的口味確實是各有不同.
|
 簡單的晚餐
09/04/2010
今次係我第一次黎呢間餐廳.
之前聽人講呢間d小菜幾好食,所以想黎一試. 我地叫左三個小菜. 1.招牌黃金蝦  2.香茅豬扒 3.胡椒大蜆湯 首先,講下招牌黃金蝦,開頭睇落碟黃金蝦冇咩特別,而且唔係好大碟. 但一食落口,充滿牛油味,而且蛋黃又岩岩好,d蝦都幾新鮮. 之後就係香茅豬扒,個人覺得香茅味唔夠,而且d汁甜左d. 不過整體都唔錯! 最後就係胡椒大蜆湯,好重胡椒味,岩晒鍾意食胡椒o既人士. 而且d蜆都好多.食完d蜆,仲可以飲埋d湯添!
|
|
簡單的晚餐
09/04/2010
呢次係我第一次試呢間餐廳.
之前聽人講呢間d小菜幾好食,所以就黎試試啦! 呢個餐廳好多明星都黎過架! 我地叫左三個小菜. 1.黃金蝦 2.香茅豬扒 3.胡椒蜆湯 4.白飯兩碗 首先,講下黃金蝦先,開頭睇個樣好似冇咩特別咁,又唔係太大碟. 點之一食落口,d蝦充滿牛油味,而且蛋黃味又岩岩好,d蝦都幾新鮮. 之後就係香茅豬扒,個人覺得香茅味唔夠,同埋d汁甜左d. 不過整體都不錯! 而胡椒蜆湯就幾夠味,而且d蜆都幾多. 食完蜆,仲可以飲埋d湯添!
|
|
坐立不安的飯局
13/09/2009
12/9 (六) 朋友聚舊選擇這間此區人氣小菜館。
傍晚六時許取7人籌，約八時才可入席，坐位擠迫得幾乎與鄰椅背對背坐，職員還硬要在狹小的的地方左穿右插... 格局似酒樓有茶水給客人沖洗食器~  點了荷葉飯，沒有荷葉香，味道清淡! 可以再揀一次要白飯好了。黑椒牛仔骨，好稔同入味! 咕嚕肉，醬汁不多，味道不會過酸或甜! 椒鹽鮮魷，送酒ok! 用炸粉弄出來大大件，附上的醬料皿就細細碟，一d都唔夾! 胡椒蜆湯，唔食辣的人是抵受不了此湯，蜆量不少，個人認為冬天驅寒佳! 黃金蝦，被炸軟的蝦殼，外層上加有咸蛋黃，可整隻蝦連殼吃掉，不過食2隻已好滯! 整體上是滯飽而不是食飽! 而且非常口渴，不得不點飲品，如果不是價錢相宜，應該不用久候!
|
|
夠鑊氣 ~ 香港地道小菜
03/01/2009
前晚朋友一家約我飯聚, 因佢係葵涌住, 我就提議去我至愛飯堂之一 “金潮小廚”.
我覺得 金潮 菜餚 夠晒鑊氣 ! 就帶朋友一家人來試試. 等佢地多一處就腳飯堂. "金潮" 係家庭式生意, 價格唔太貴, 做街坊生意. 如唔先訂檯, 就起碼要等成個鐘. 我多數幾日前打電話訂定檯, 雖則訂左檯 但每次來到都要等約廿分鐘先有位, 係舊店仲要搭檯, 自從聖誕節搬新店後就唔洗再搭檯. 新店比舊店面積大約 四倍, 但一樣客滿唔夠檯, 照常一大堆人企係門口等位. 而家新店裝潢似酒樓格局, 但我比較喜歡舊店那種街坊小菜館風味. 呢度最多人叫係 黃金蝦 同 潮式胡椒蜆湯. 而我地今晚叫左相中既菜餚 : 1) 一品粥 $88 好棉, 粥裡面有 雞 & 蠔豉. 2) 潮式胡椒蜆湯 $48 相當重胡椒味, 蜆好大隻無沙. 3) 蠟味糯米飯 $70 不太硬, 我地大家搶住食. 4) 金潮一口牛, (安格斯牛柳) $88 甜甜酸酸 入口即溶, 好正 (我唔食牛, 係朋友解話) 5) 馬拉盞炒芥藍菜 (芥蘭) $45 好惹味, 菜好嫩. 6) 沙啦骨 $48 甜甜酸酸 汽水 $10 / 3支 , 藍帶啤酒 $12 支 雖然全館爆滿, 但出菜都好快, 菜色水準保持 ~ 因今晚我地張檯坐正大門口位, 又勁多人企係門口前等檯, 食飯時好唔自然, 好快食完就埋單走人.
|
|
|
|
名星食堂
25/11/2008
在我住所附近,有一間食肆叫做"金潮",差不多每一晚門口都多人排隊,地方不大,不過有閣仔.門口貼有很多明星相.價錢不貴,最貴都是50-70元.有小菜,粥,海鮮供應.種類繁多.午餐有飯麵供應外賣連冷熱飲品,只不過28元.味道不錯.招牌菜有"黃金蝦".
|
以往只在午飯時間光顧, 今日朋友邀約, 第一次在這裡食晚飯, 六時去到門口, 裡面只剩一張中枱, 用了十多分鐘等了細枱, 不過坐位很窄, 坐得唔舒服. 三個人, 為防眼闊肚窄, 只點了三樣食物及一碗白飯.
胡椒蜆湯算幾大煲, 蜆亦不少, 但很細隻, 肉亦細粒, 湯底很有胡椒味, 但稍鹹了, 水準只屬不過不失.
枝竹魚腩煲熱騰騰, 很是吸引, 魚腩有不少幼骨, 整體味道是可以的. 主菜份量一般, 倒是薑蔥等配料就不少.
薑汁芥蘭的薑汁其實只是薑蓉, 雖然薑味不濃, 但芥蘭翠綠, 份量亦不少.
晚飯時段, 限坐一小時三十分鐘, 食得七七八八, 店員已不時走過來想收碗碟. 埋單時候, 還未到八時, 真是一頓很早的晚飯.
由始至終, 對這間食店感覺都是一般般, 坐得很迫夾, 食物又不是很吸引, 所以通常都是朋友提議才會幫襯.