今朝係屋企預備執行李去海上之旅~歌詩逹遊輪-經典號時,

發現左HONEY送的情人節禮物,

係一條海豚鍊,將佢命名為 "海豚之星"(THE STAR OF THE DOLPHINE),哈哈.

戴埋佢去U 針 I 針先:>

今晚食飯回禮,都係食D普通嘢,因要睇住荷包做人.

係大滿貫點左個雜扒和HONEY至愛的福建炒飯.

加8蚊有碗超大碗的紅豆沙.

雜扒飯都幾多餸,有腸仔,雞翼,牛扒,豬扒各一,成堆意粉,配洋蔥汁.又有面包羅宋湯,飲品,十分豐富.

福建炒飯都好足料,夠晒大碟,個汁和餸都唔錯.

紅豆沙大件夾抵食,甜道適中.

兩個人走在一起,講心唔講金,有情飲水飽,何況有大餐食呢.

就係咁.....

簡簡單單平平地過左2012年的情人節.

簡簡單單一個通粉早餐,配有腸仔,煎蛋,餐包和奶茶,為新的一天打打氣.

樣樣食物都唔錯,略嫌通粉淡味左d,宜自行去調味醬架道加鹽加胡椒粉.

環境舒服,嘆住u,不經不覺坐左九個字:>

蒸鯇魚午餐,味道唔錯,

鯇魚很薄片,豆腐"廌"底,唔多夠餸食,

菜走生油,唔肥,好.

餐湯一般.

39蚊唔平,但幾清淡都算幾健康.

蒸魚餐的魚有豆腐墊底,個汁做得幾好幾開胃,唔錯.

一價兩味餐,三樣餸選一樣,跟埋菜,飯,湯,唔錯的一個餐.

大滿貫的例湯就比較差,肥"利"又無湯料.

呢幾之食,都係覺得蒸魚餐最好.

無理味道的白飯魚,飯汁其實做得唔錯,火腿都ok.

但白飯魚勁失色,好耐無食過咁難食的配料呢.

因大滿貫一向都有少少水準,今次很失望喔.

最近裝修後重開的大滿貫,已第二次幫襯,久違了的蒸魚餐,份量又多番了.

午市食幾抵.原條"倉"魚,有碟菜心,白飯和例湯.

各樣食物份量足,夠熱,加上天氣凍,特別好味咁.

湯是西洋菜湯,不是自己杯茶,例湯的話算是合格,有菜有骨,略嫌味道淡左d,即例水囉:D

以前食過呢D餐,食得一半,重要再細條D,今次原條好滿足,覺得份量剛好.

環境,裝修後坐得舒服左.多左D間格,多點私隱.

收銀方面,有兩組人,一組人負責門口賣餸賣小吃,有組賣飯餐.收銀都相當快手.

收餐亞姐都有禮貌.大滿貫算呢區幾好味的快餐店.

全新形象示人的大滿貫,裝修後多左好多partion(間格),sofa位好坐,但間格和鏡都多,有少許眼花.

現在有兩個收錢位,一個喺門口賣蘿白,魚蛋小食的八達通卡位,

另一個係ok便利店後邊行入d有兩個職員係度收錢.基本上唔係買小食的,都係度排度就啱架喇.

食物依然ok.

午餐香菇枝竹雞飯,大大碟,個飯重有少少炒飯底,味道ok.

汁夠多,送飯一流.

大快活, 大家樂和美心,大滿貫這四間快餐店,

自己最愛大滿貫,希望佢地d嘢食再好味d更好,還有多把改善空間呢.

藍田早前新開左大家樂,集團式的經營確實係幾壟斷架.但如同我們一般的小市民確實要睇餸食飯,睇住荷包做人.所以快餐店係每個人都要幫襯的.

大快活,美心,大家樂,大滿貫都係.相對地,大滿貫的分店少很多.

個人在呢幾間快餐中,最愛大滿貫.

都係鍾意其有時d菜式都有條菜食吓.同埋分店少d,食物的新鮮感都多d呢.

海鮮雜菜煲:餸很足,蘿白,蝦,豆卜,粉絲,魷魚,,菜等,配上一碗載到大大碗的白飯,重有飲品,好夠飽,味道亦不錯.個人喜歡蘿白和粉絲及菜,簡單美味的食物,至於海鮮是雪蔵的,味道ok可接受.

兩餸飯餐:芥蘭炒牛肉-夠穫氣夠入味,ok架.京都豬扒,洋蔥開胃,豬扒肉量足,個汁亦幾開胃.配埋飲品,湯及飯,大家都食到好飽好滿足呢.

平平地係呢度開飯,食物確實唔錯.