 22/05/2012
|
|
21/05/2012
貓兄吹雞開餐, 為食四人幫定必二話不說飛身撲出啦!!! 呵呵... 今次鎖定嘅目標係... 龍媽未食過嘅PizzaExpress... 貓兄事前係某開餐網站試吓網上訂位功能, 見到呢晚餐廳Full咗, 大家正煩惱緊轉去邊樹食之際, 我死唔信邪咁打去餐廳試吓Book位... Oh... 比我Book到喎!!! 不過Book 7:15pm就要8:45pm還枱, 得個半鐘真係唔多夠喉!!! 想轉地步但又懶... 算啦, 食咗先, 到時再轉場食甜品囉... 因為要好早還枱比人, 所以我特別提醒大家要準時到, 攪到大家都好大壓力... 嘩咔咔咔... 幾年前同KaKaMa同貓兄食過亞士厘道分店, 印象好差, 又嘈又迫又唔好味... 海運呢間分店開咗半年鬆d, 間鋪大好多d位又多好多, 仲可以一邊食飯一邊欣賞維港夜景, 咁仲使唸嘅, 緊係過o黎海運呢邊食啦!!! 龍媽未到, 我地好抵死咁不定Whatsapp佢, 將揀o野食嘅討論全部放上Whatsapp, 最尾一句係"你可以揀自己杯o野飲", 嘩咔咔咔... 討論期間, 我口快快咁話叫個6人餐, 不過比大家Band咗... 查實我係有先見之明, 知大家叫4人餐食唔飽, 結果真係... 大家都話未試過食完咁多o野, 竟然仲咁唔飽... Dinner for Four有2款頭盤*+1款沙律+1款薄餅+1款意粉+甜品拼盤1客+飲品4杯, 咁多o野先HK$458, 其實都算好抵食!!! Ginger Ale--凍檸茶係Unlimited Refill, 不過大家今晚一反常態, 4個一齊揀Ginger Ale, 加檸檬同冰一齊飲, 好飲過咩都唔加... KaKaMa第一次飲, 佢以為係薑汁湯丸果種薑水, 好好笑... 焗麵包球--必吃!!! 而且要趁剛出爐仲熱辣辣時吃!!! 浸個包入去我最愛嘅Genovese香草汁, 百吃不嫌!!! 焗蘑菇--都唔明, 餐牌明明寫焗蘑菇, 點解會有一半係焗麵包球嘅呢?!! 大家一致認為呢個焗蘑菇好味~ 意大利火腿沙律--嘩!!! 又有焗麵包?!! 仲咁大舊?!! 齋食麵包都食飽啦!!! 沙律好新鮮, 配料又豐富, 好好味!!! 山羊芝士薄餅--有我最愛嘅山羊芝士, 好味!!! 乾蕃茄都好好味!!! 不過龍媽就覺得好膻, 真係難為咗佢喇... 意大利香草意粉--全晚最好味!!! 不過份量細咗d, 一個人食都嫌唔夠喉... 唔明點解龍媽又覺得好膻, 個醬汁剩係得羅勒葉同Parmesan芝士咋喎... 甜品拼盤--朱古力蛋糕最正, 香濃嘅朱古力味... 芝士蛋糕唔係我杯茶, 但係都OK好食... Tiramisu好得, 夠重酒味!!! VIP房內有自制Pizza活動, 我地食完佢地先啱啱整起拎去焗, 肯定已經好肚餓喇... 環境同Service都好好, 食物質數又高, 呢個價錢簡直係超值!!! 唯一美中不足係要早交枱...
|
|
20/05/2012
閒日正午到譽居，終於不見等位的人群，可以直接入座了。 我們吃了：
總結而言，譽居的食物質素、服務、環境都合乎其市場定位，如果不用等位，可以一試。
|
|
20/05/2012
自從PopCorn開幕後，君薈坊的食客好像有所減少，今次午餐再到魚米家，效率略有提高，落單、上菜都很快。 我吃了一碗$32的菜肉餃子米線，米線味道正常；湯底不太有魚味，感覺普通；菜肉餃餡料足，略為挽回失分。 午餐包飲品一杯，凍飲加$3。我已決定不會再加錢喝凍飲，一來可以省去以數元買冰塊的不划算，二來少喝凍飲身體會健康一些。我一如以往喝了熱菜蜜，味道似舊，沒甚麼特別。
|
|
20/05/2012
無可否認，法國五月，為香港飲食界帶來了不少新衝擊。這幾年的五月，不少餐廳都會為法國五月提供或設計特色餐單，令到喜歡吃的朋友，五月都不愁寂寞。 位於上環的PRESS ROOM，也在這個五月天，設計了一款特色的Prime Sirloin。這一次就和一班食友，來到試試這個誘人的sirloin，當然也不會錯過PRESS ROOM的其他招牌美食。 PRESS ROOM下層是餐廳，上層則是廚房，店裡燈光柔和昏暗，檯上放著小小的蠟燭，很有情調。PRESS ROOM附近一帶晚上很寧靜，在這裡坐下來，有著很舒服的感覺。 店裡藏酒量驚人，紅酒白酒差不多隨處可見，尤如一個小酒窖，試想想在柔和的環境，喝著紅酒，輕輕碰杯，和心愛的人談情說愛，你說多浪漫？哈哈！ 入口處放著不少海鮮，有龍蝦、虎蝦、蠔、蟹等，看著鄰桌的seafood platter，我的口水差點忍不住流下來呢… 先來一點餐前麵包，鬆軟的麵包，塗點牛油，雖很普通，但也可為肚子暖暖身。 French Onion Soup Gratinée令人驚艷，以厚厚的芝士，蓋著洋蔥湯來焗，就好像平常吃到的酥皮湯一樣，不過換成芝士立時升價十倍。 揭開洋蔥湯上那神秘的芝士面紗，洋蔥湯的香氣撲鼻而來；喝一口洋蔥湯，感覺十分清甜而不濁，一絲絲洋蔥夾雜著滲滿洋蔥湯的麵包，好吃得沒話說。別忘了那厚厚的芝士，和洋蔥湯一起吃，味道濃郁中帶點洋蔥香，洋蔥的味道減輕了芝士的肥膩感，這個湯的水準真的很高。 接下來的是主菜Entrecôte Bordelais，是為這法國五月而設計的prime sirloin，這10oz prime sirloin，售價$328，卻絕對值得。以medium rare烹調，表面焦香，肉質卻非常鮮嫩，牛味十分濃郁。 不過何以會和法國五月有關？原因應該在於那以紅酒、牛骨髓、咸煙肉、磨菇和小洋蔥煮成的醬汁，紅酒的味道進一步提升了牛肉的味道，咸煙肉亦提供了像鹽一樣的不同鮮味，最精彩當然是那兩片小小的牛骨髓，這是牛的精華所在，為這prime sirloin提升牛味之餘，更加添了豐腴感覺。 伴碟的Gratin Dauphinois絕對不是配角，切成薄片的薯仔，中間夾著芝士奶油等，PRESS ROOM把它微微的燒香，薯仔的爽口是這道菜的精髓，把它點些紅酒汁來吃，味道更佳。 法國飲食界另一出名的當然是波爾多紅酒。PRESS ROOM特別為這美味的牛扒挑選了這一款Château Fourcas-Borie 2008，入口富果香，雖未算易入口，但單寧不會很重，而且酸度適中，是非常適合配牛扒的紅酒。 這枝紅酒售價$450，一杯售價則是$90，和愛人來到品嘗美味的法式牛扒，不妨也要一杯紅酒吧，讓你的愛侶也感受一下生活的享受吧。 身旁的友人不吃牛，她要了Whole Sea Bream with Shaved Fennel & Herb Salad，原條燒海鯛，魚皮十分香口，肉質燒得不乾，魚肉經過鹽燒，入味且嫩滑，完全不用加檸檬汁來辟腥，和牛扒是各自各精彩。 甜品時間是西餐中重要的一環，PRESS ROOM有幾款不同的甜品可供選擇。 先是法國五月的特色甜品Pistachio Crème Brûlée & Biscotti，這個以開心果做成的焦糖燉蛋，開心果味非常突出，上面的餅乾條也夾雜著開心果粒，很有特色。不過焦糖的分佈有點不平均，中間的位置焦糖過於密集，甜味蓋過了開心果的味道，如能調整一下開心果和焦糖的比例，應該會更為出色。 Banoffee Sundae感覺有點怪怪，用料是Butterscotch雪糕、焦糖香蕉、烤杏仁片等，其實這幾種材料各自的味道都沒有問題，破壞者可能是那酒的味道，太突出強烈的酒味使得這sundae不太像甜品，個人是不太喜歡。 Pear Tarte Tatin，那pancake一般的做法包著香甜的梨肉，是比較甜的一種甜品。有點像酥皮的餅底，吸收掉糖漿的味道，卻有梨肉的中和，感覺甜而不膩。 Red Wine Poached Pear，紅酒煮梨，挖空梨心，包著肉桂雪糕。紅酒味道來得不重，卻因為這樣沒有蓋過肉桂雪糕的味道。這種味道很適合作為飯後甜點。 Winter Spiced Bread & Butter Pudding質感結實，沒有很重的牛油香，加入雲尼拿汁後味道才變得好一點。 Trio of Chocolate Mousse是朱古力三重奏，分別是white、milk、dark，之後再加上crumble，雖然白朱古力稍稍偏甜，但由於我一向喜歡吃香朱古力，所以我三款都喜歡吃。 不過真要選的話，最合我歡心的應就是dark的那一款，幼滑之餘，朱古力香味最重，加上crumble鬆脆，一人吃掉一個也不為過。 沒想到這裡的Latte也很不錯，咖啡沒有苦澀的感覺，泡沫幼滑，為這一餐劃上完美句號。 THE PRESS ROOM正是華僑日報的舊址，這間以新聞為名的法國餐廳，為法國五月設定的餐單，你沒有錯過的理由吧！
|
|
20/05/2012
小飛象葡國餐廳 是日又去了mega box開飯了小飛象
好腥 ....加了lemon 汁都中和唔到
個天使麵意粉是最有surprise架 是日每人 $150
|
|
20/05/2012
mikiki 地下 iced lemon tea 竟有添飲
|
|
20/05/2012
因為男友在10月頭跟公司到流浮山LUNCH， 那天自駕到流浮山，基本流浮山的餐廳都有免費車位。 今次７個人食，消費約$3000 豉椒炒蟶子：本身我不蟶子，但都覺得好香口，又新鮮彈牙。 大斑兩味＠炒斑片：肉厚肉質彈牙，但因為吃過薑蔥炆頭腩後，覺得冇咁好食。 大斑兩味＠薑蔥炆頭腩：好食，因為先炸過，可口野味，而且中間內嫩。 南非鮑：好似$80隻，新鮮彈牙，而且好味，想再吃多一隻！ 龍蝦ｅ麵：龍蝦肉新鮮不老，而且芝士味濃。 椒鹽賴尿蝦：超可口的，又鮮甜，吃完一隻再一隻。 重有一道忘記了！
|
|
20/05/2012
「天氣那麼冷，不如去吃火鍋。」 原來這麼多年，我還是第一次跟妳兩個人吃火鍋。 廿年前，曾在附近讀書的我，對這裡不陌生。走過新城市廣場，穿越沙田中心，冒著寒風來到了瀝源?。走下兩層階梯，經過昏暗的走廊，便來到這個不一樣的天。這裡牆壁上掛著各式盆栽及黑白掛畫，跟腦海中的火鍋店，完全是兩碼子的事... 我從妳的眼神看到滿腦子問號，妳終於忍不住問：「這裡真的是火鍋店子嗎？」 其實不只你懷疑，我也不太相信眼前的，是領匯轄下的一間小店。據悉，這店兩年多前曾被領匯大幅加租，差點捱不下去，全靠街坊們的努力，才得以把五十多年老字號保存下來。眼裡還不停東張西望，不知不覺，店員已帶我們走過長巷，到達隱閉的內廳用餐。真估不到，這老屋?竟有如此藝術氣質的食店，而且更是一間港式火鍋店。 這裡的湯底款式不少，在寒冬下很想要胡椒湯暖暖胃，決定就來一個胡椒豬骨鍋。湯底鮮甜，夾雜微辣的胡椒香，內裡真材實料，有很多的軟骨及桶骨，不單有我最愛的蘿蔔，還有妳鍾情的粟米。 吃港式火鍋，手切牛肉不能缺少。這裡吃的本地手切牛很有市井風味，刀法不修編幅，油脂位不多，但充滿著濃濃的肉香。放湯輕燙一會，肉身轉色即吃，入口有嚼勁，連豉油醬料也不用，就是這樸實無華的味道。看著妳吃著的神情，就知這口牛肉令妳多麼滿足。 除了牛肉是必然之選外，兩人吃不了那麼多，落單自然要精挑細選。點選了心愛的桂花蚌及鵝腸，也點了這裡的名物蠔仔餃。 滾熟了的餃子飽滿，外皮薄薄的很誘人。咬一口，濃濃湯汁纏繞著舌頭，蠔仔鮮味無比，混著豬肉的脂香，水準極高，令人回味。 這裡的鵝腸那厚厚的肥脂全數送上，充斥著罪惡感，但勝在比例剛好，入口爽脆，質惑豐腴，是男人的另一份浪漫。桂花蚌也是鮮味十足，沒有高流灣那麼濃甜，但勝在價錢更實惠，吃得開懷，就算一個人也可以清下一整碟。 炸響鈴是妳吃火鍋必選的至愛，我當然沒有忘記，反正盛記的是招牌名物，就來一客。金黃色的一大盤炸腐皮，賣相豐滿有層次，吸一點湯汁，每一口也是半脆半軟，有種令人愛得泥足心陷的感覺，令我又愛又恨。那麼好吃還有什麼要恨？恨的是放在藍子裡很難拍照，昏黃的食物照片，不是一般人能接受吧？ 最初還以為叫了這麼多，兩口子一定吃不完，但一浪接一浪的味覺興奮，慢慢把檯面食物全部吃光，結脹也只是四百多元，價錢算便宜。 「妳覺得這裡的火鍋好吃嗎？那種妳最愛呢？」 簡單的一頓火鍋吃餐，是兩個人的溫暖，也是一種幸福。下次，我們再來吧...
|
薑蔥牛肉撈麵配郊外油菜($45)：薑蔥極多，麵的份量恰當，與醬油或湯伴着吃，都不會過鹹，感覺仍很爽口、彈牙；牛肉頗多，而且很滑。整體而言，薑蔥牛肉撈麵味道佳。
至於套餐送的郊外油菜也頗鮮甜，店員表示單點油菜要$20，所以套餐算很實惠。
再攪拌後，咖啡味道變得很特別，不會很苦澀，好！
一向都好少走過嚟西九四小龍搵食，不過，繼早前逛咗去碧海藍天吉之島內嘅CoCo壹番屋，今個晏晝有目得咁又嚟咗依頭，就係宇晴軒嘅魚米。
講話有目的，原因團購所致，見佢出咗個團購，$30購原價$60嘅「魚米」現金券，太古、荔枝角、黃埔3間分店都用得，仲要唔使預早揀定去邊間，有3個月期限，一至日都合用，只係食晏12:00 –2:00pm除外，堂食、外賣都可以
。見只係$30，試吓無妨，所以就買嚟用晌食下午茶度。
入到去感覺幾好，一室光潔明亮，近門口一排卡最得我歡心，因為夠闊落好挨
，此外都有好多活動式二人或四人枱；中間靠入仲有一排大長枱，應該對坐可坐六人，不過最唔鍾意，一則無椅背無得挨，二則直情硬木凳，相信都唔多會坐得舒服。內裡一牆店家嘅大魚圖案標誌，覺得設計得簡約有趣，餐紙同樣以此為圖案！
咪聽個名以為淨係食魚湯米線，打開多款餐牌睇睇，主餐牌內確印備咗好多米線、泡飯、菜飯、烏冬、炒飯，連咖喱都有，仲有多款滋味小食、拼盤、甜品、飲品；而其他餐牌就有好多炒粉飯麵嘅套餐，一啲二人餐，適合夜晚嚟食嘅小菜套餐，都幾多元化。咁講明嚟食下午茶，梗係睇下午茶餐牌啦，有十多款，$26-$33，包一杯咖茶或特色熱飲，凍飲加$2，全日免收加一，亦都無茶芥
。
手執一張$60現金券，兩個下午茶餐就差唔多價，至多補少少。結果小弟揀咗個菜飯，老婆就要米線，最後補番一蚊雞就可以鬆人，即係實質出咗$31，當然係非常抵食啦！
果醋豬軟骨菜飯 $32 + 紅葡萄柚汁
。此外，個菜飯我都幾欣賞，飯質鬆軟，最好係無咗一般菜飯常遇到油淋淋嘅情況
。
果醋聽起嚟感覺較健康，其實跟平時食到嘅無錫骨嘅味道差唔多，都係酸酸甜甜，而一客有3大件豬軟骨，以下午茶餐嚟講，唔算多亦唔算少。豬軟骨做得頗為鬆化，雖然稍稍肥啲，但可能因為以果醋烹煮，又唔覺油膩，亦都非常入味
至於杯紅葡萄柚汁，雖然無問佢點溝出嚟，但感到似係利賓納溝柚子茶，味道唔算怪怪，只係初嚐有啲得意嘅感覺，可能凍飲效果會好啲。
麻辣豬潤牛肉米線 $29 + 金桔青檸
。
雖名為麻辣，但睇樣未見到嚇人噴火嘅模樣，不過食落原來花椒下得幾重手，感覺幾麻吓，至於辣呢，仍晌可接受嘅地步，初初食都只係辣辣哋咁，係食到尾先有燙咀嘅感覺，依啲都係老婆食完碗米線嘅心聲，小弟只係淺嗜一吓個麻辣湯底啫。豬潤、牛肉各有幾塊，加埋豆卜、酸菜、肉碎，材料不過不失，唯獨米線嘅份量唔少
金桔青檸，青檸味比較重啲，金桔味就若隱若現，比起不時都係檸茶檸水，試吓一次依杯金桔青檸都無妨。
只係個下午茶餐，其實份量跟正餐差唔多，整體味道都幾OK，至少唔覺因為用咗團購券有將貨就價嘅感覺，手上還有一張，留待下次再嚟，可能食早餐，又或照舊嚟下午菜，不過就要試試佢啲鮮魚湯得唔得，話晒係佢嘅主打！